Novas

Nesa xuntanza, o Comité Directivo vén de aprobar a constitución dun Laboratorio Virtual Urbano, que será un órgano formado por técnicos dos parceiros e que se encargará de estudar e inventariar os recursos naturais das cidades obxecto do programa; elaborar o plano de actuación común, o de formación transnacional así como da promoción de políticas de sustentabilidade.

O traballo do laboratorio está organizado en fases. Na Fase 1, na que se vai comezar a traballar de xeito inmediato, os obxectivos son:

• Efectuar o inventario dos recursos naturais, parques urbanos e periurbanos a través das tecnoloxías SIX.
• Localización dos espazos, delimitación, dimensións e definición a través do SIX.
• Elaboración de mapas temáticos xerais e datos cuantitativos con referencias espaciais e informacións pertinentes para a análise das paisaxes e planeamento do territorio.

Neste sentido, os recursos naturais a inventariar son: parques, xardíns, parques infantís, cemiterios axardinados;  espazos de ornamento da vía pública (árbores aliñadas, etc); xardíns familiares, xardíns común; espazos de lecer (áreas de xogos, áreas de deporte, camiños, sendeiros...); bosques, florestas; espazos naturais (zonas natura 2000, ZNIEFF, ZICO, etc…); Tellados e muros vexetalizados; zonas húmidas (pantanos, xunqueiras…), superficies de auga (ríos, lagoas, regatos); ou espazos agrícolas.

Deses recursos naturais estudaranse as súas funcións de composición urbana, como contribúen á organización do territorio e das formas urbanas; as funcións de melloramento da calidade de vida; as sociais; as físicas e ecolóxicas e as económicas. Para esta primeira acción acordaron destinar 166.000€, encargándose Angers da contratación en nome de todos os parceiros.

Na reunión  tratáronse tamén diferentes aspectos relacionados coa xestión administrativa do proxecto e acordouse solicitar unha reunión co Secretariado do Proxecto Interreg-Espazo Atlántico para abordar a reprogramación dalgunhas das actuacións previstas. Ademais, acordouse que Santiago de Compostela procederá de inmediato á contratación das asistencias técnicas de comunicación e espazo web do proxecto; secretaría técnica-administrativa e auditoría. Por último, quedaron en reunirse de novo no mes de xaneiro en Limerick para presentar o avance do traballo do Laboratorio Virtual, ver a Web-Site e o Plan de Comunicación así coma o comezo da Formación.