Novas

21/06/2010 “Os mercados entre lusco e fusco son mercados de productos ecolóxicos e de proximidade que se van celebrar os martes no serán nas terrazas do Parque de Belvís”. Así os presentou esta mañá Elvira Cienfuegos, concelleira do Medio Ambiente de Santiago, nunha comparecencia ante os medios na que estivo acompañada por Aurora Calviño do colectivo Hortiña da Ponte.

15/06/2010 A concelleira de Medio Ambiente e Desenvolvemento Sostíbel, a nacionalista Elvira Cienfuegos, presentou esta mañá a terceira Feira do Sol que se celebra este sábado, día 19, no Paseo Central da Alameda desde as 11.30 ata as 20.00h. Esta actividade está enmarcada no programa Vive o Verán que organizan a concellaría de Medio Ambiente xunto coa de Cultura e Centros Socioculturais, dirixida pola tamén nacionalista Socorro García Conde.

10/06/2010 As concelleiras de Cultura e Centros Socioculturais, a nacionalista Socorro García Conde, e do Medio Ambiente, a tamén nacionalista Elvira Cienfuegos, presentaron este mediodía o programa de actividades ao aire libre Vive o Verán, que acada este ano a súa terceira edición.

31/05/2010 Esta mañá a concelleira do Medio Ambiente, a nacionalista Elvira Cienfuegos, xunto á concelleira da Cidade Histórica, a tamén nacionalista, Olga Pedreira, presentaron a segunda edición do Concurso de Balcóns da Cidade Histórica de Santiago 'Flores na Cidade'.

19/05/2010 Unir as grandes zonas verdes mediante un roteiro urbano autoguiado para peóns e ciclistas é o gran obxectivo do proxecto presentado hoxe de mañá pola concelleira do Medio Ambiente de Santiago, Elvira Cienfuegos. Durante a súa intervención a edil nacionalista estivo acompañada do xefe do departamento de Parques e Xardíns do Concello, José Antonio Mosquera.